Второ издание • 2026
Аматерски хуманитарен тениски турнир во срцето на Маврово
28 • 29 • 30
Август
05 • 06 • 08
Септември
19 • 20
Септември
Аматерски хуманитарен тениски турнир во срцето на Маврово
Котизација: 3.000 ден. Сите средства одат за хуманитарната мисија.
Листата се ажурира автоматски
Mavrovo Open се игра по систем на директна елиминација низ три викенди. Ждрепката е поделена на две половини — едната се игра првиот викенд, другата вториот — а последниот викенд е резервиран за полуфиналињата и финалињата.
Подолу е сè што треба да знаеш пред да излезеш на терен: форматот на мечот, броењето поени и што се игра во кој ден.
Форматот подолу важи за машка и за женска конкуренција. Двојки Про има свој формат — опишан во точка 4.
Мечот се игра на два добиени сета. Секој сет се игра до 6 освоени гема.
Ако сетот стигне до резултат 6:6, се игра тај-брејк кој го одлучува сетот.
Во сите фази заклучно со четвртфиналето, при резултат 1:1 во сетови наместо трет сет се игра супер тај-брејк до 10 поени.
Во полуфиналињата и финалињата се игра регуларен трет сет до 6 гема, со тај-брејк при 6:6. Без супер тај-брејк.
Нема групна фаза — поразениот го завршува своето учество во турнирот.
Единствената разлика меѓу фазите е како се решава изедначениот гем.
При 40:40 не се игра предност. Се игра еден одлучувачки поен кој директно го решава гемот. Ова го држи темпото на турнирот во деновите со најмногу мечеви.
При 40:40 се игра регуларно, со предност — гемот трае сè додека еден играч не освои два поени по ред.
Половина од ждрепката се игра првиот викенд, другата половина вториот. Секој од тие два викенда дава по двајца полуфиналисти кај мажите и двајца кај жените, кои се среќаваат на последниот викенд.
Ист распоред важи и за првиот и за вториот викенд — само со различната половина од ждрепката.
Тимовите што играат во Про конкуренцијата. Отвори тим за да ги видиш профилите на двајцата играчи.
Три викенди тенис, музика и дружба во срцето на Маврово. Погледни го промо видеото за второто издание на најзабавниот спортски настан за аматери — и резервирај го своето место.